Business 2 tarah ke hote hai pahla online business aur dusra offline business. Hum sab ko pta hai ki aaj ke samay me technology kitni teji se badh rahi hai, or jiss prakar se aaj technology badh rahi hai usi prakar se logo ka business karne ka tarika bhi badla rahe hai. ek time thaa jab bahut se logo ko online business ke bare me koi jankari nahi thi lekin aaj ke time me har roj bahut se log apna Online Business start kar rahe hai. yadi aap bhi apna Online Business suru karna cahte hai lekin aapko koi idea nahi hai ki aap apna Online Business kaise start kare to ye article aapke liye upyogi sabit hoga.
Aaj ke samay me har ek apne business ko log online lekar aa rahe hai. Iska mukhy karan ye hai ki aaj kal puri Dunia me Internet user bahut teji se badh rahe hai. aur har ek chiz aaj kal online ho gayi hai. jese Online Recharge, Online Shopping, Online Result, Online texi Booking etc.
Yadi koi naya person apna Online Business start karna cahata hai to uske samane sabse badha problem ye hoga ki woh apna Online Business start aur setup kaise kare. Online Business start karne ke liye aapke pass excellent product aur ek solid marketing plan hona cahiye. Yadi aapke pass excellent product aur ek solid marketing plan hai tab aap apna Online Business start karke usko bahut hi badiya tarike se Grow kar sakte hai.
Aaj iss post me hum Online Business kaise start karte hai usko puri details ke sath janege. Yadi aapko Online Business start karne ki details post pasand aaye to usko apne dosto ke sath share karna naa bhule
Online Business Kaise Start Kare
Ek naya online business start karna koi aasan kaam nahi hai. Agar aapko Online Business start karne ki jankari nahi hai to aapko dikkat aa sakti hai, Chaliye me aapko online Business kaise start kare uski jankari deta hu fir aapko ek idea to mil hi jayega ki aapko kya karna hai.
Online Business ho ya Offline, Business start karna or usme success hone ke liye sahi steps me chalna jaruri hai.. Mene isko 3 Parts me bata hai:
- Business ka Idea or uske liye data collect kare.
- Ab jo Business ka Plan hai uspar kaam kare.
- Apne Business ko Promote kare.
Part 1: Business ki Setting kaise kare
1: Aapne Product Aur Service Selection kare
Ek Online Business puri dunia ke millions of customers ko benfit deta hai. Lekin iske sath sath aapko business me bahut se competition bhi milte hai. Ye koi mayne nahi rakhta hai ki aap online kon se product aur service sell kar rahe hai. Internet par aapke har ek product aur service par kuch na kuch competition jarur hoga. koi bhi online business start karne ke liye sahi product aur service selection karna bahut hi important hai.
Aap apne online business ke liye product aur service selection bahut hi soch samjh kar karna hoga. aapko aise product aur service ka selection karna hoga jiska internet par competition bahut kam ho or aap usko karne ke layak ho.
product aur service selection ke liye aapko internet par ek accha khasa research karna hoga. Jab aap koi product aur service selection kar le to uske baad aap uske bare me ye chiz dekhe ki uski selling point strong hai ki nahi. Hmesa aisa product aur service ka selection kare jiski selling point strong ho mtlab ki usko bahut hi easy tarika se online sell kiya jaa sake. Upar ki puri baato se ye decite hota hai ki aapke online business ke liye low competition product aur service choose karna cahiye jiski selling point bahut strong ho..
2: Apna Business Register Kare
yadi aap ek legal online business start karne jaa rahe hai tab aapko apna business apne state ke rule ke hisab se Register karna hoga. Aap apne Business ko ek badiya offline name se Register kar sakte hai.
Business Register karne se aapko future me kisi bhi prakar ki koi problem nahi aayegi.
Apna business Register karne se pahle aapko ye sure kar lena cahiye ki aap jo business Register kar rahe hai uska aapke pass ek solid business plan hai ki nahi. jab bhi aap koi online business Register karne ke liye jaaye to aap business Register karne se pahle apne business ka ek solid plan bana le.
Bina ek solid business plan ke aapka business kabhi bhi success nahi hoga.
3: Buisness ka Domain Name Register kare
dusare business ki tarah aapke online business ka bhi ek uniqe aur badiya naam hona cahiye. Aapko apne business ke liye aisa domain name Register karna hoga jo short aur catchy ho aur Jisko log easy tarike se yaad rakh sake.
Aap apne Buisness ka Domain Name Register karne ke liye Godaddy ka upyog kar sakte hai. Godaddy ek leading domain register website hai. Aap godaddy se apne business ke liye bahut hi Easy tarike se domain Name Register kar sakte hai.
4: Web Hosting service Buy Kare
Yadi aap online business ko long term ke liye run karana cahte hai tab uske liye aapko apna business wordpress yaa phir kisi aur platform par setup karna hoga. WordPress par apne business website setup karne ke liye aapko Web Hosting service ki jarurt hoti hai.
Internet par bahut se aise website hai jo Web Hosting service ka offer logo ko dete hai. aapko aise Web Hosting service choose karna hoga jo aapke online business ke liye perfect ho. Aap apne online business ke liye Hostgator yaa phir Bluehost ko choose kar sakte hai. Hostgator aur Bluehost ye dono bahut hi papular web hosting company hai aur bahut se log apna online business inke dwara hi start karte hai.
Part 2: Aapna Online Store Kaise Create Kare
1: Stylish aur Functional Website Create Kare
Apne product aur service ko sell karne ke liye aapko ek stylish aur functional website Create karna hoga. Ye koi matter nahi karta hai ki aap kiss style se apna website setup karte lekin Aapka website ek professional website ki tarah dikhna cahiye. Agar aapka website ek professional Website ki tarah nahi hoga to aapke product aur service ka sell bhi nahi hogi. Isliye ek stylish aur functional website Create Kare.
Iske sath sath aapki website user friendly hona cahiye. Aapke website par visit karne wale aapke visitor ko accha feel hona cahiye.
Yaha par mai aapko kuch baato ke bare me batata hu jisko aapko website create karte time dhyaan dena hoga:
- Aaapke website ka design aapke product aur service se match karna Cahiye.
- Website design karte time me ye baat dhyaan me rakhe ki aap apne liye website nahi design kar rahe hai balki aap apne customer ke liye website design kar rahe hai Isliye jitna ho sake aap apne website ko ek professional ki tarah design kare.
- Aapka site simple aur Easy hona cahiye. Aur aapke site par ke impotent-2 chizo par focus hona cahiye.
- Aaapke website ka ek professional Logo hona cahiye. Aap fiverr ki madad se $5 ki madad se ek professional Logo banwa sakte hai. (Website Blog Ke Liye Free Logo Banane Ke Liye 8 Best Online/Offline Tool)
- Aaapke website ki theme clean attractive hona cahiye.
- Aaapke website ki color combination badiya hona cahiye
- aapke website ki order page clean hona cahiye.
- Site ki background color aur font text ka bhi combination accha hona cahiye..
- Website ki Loading Time Fast Hona Cahiye. (Blog/Website ki Loading Speed Time Ko Kaise Kam Kare Puri Jankari)
2: Mrchant Account Create Kare
Kisi bhi online business ke liye ek Mrchant account ka hona bahut jaruri hai. Isliye aapko bhi apne online business ke liye ek Mrchant account Create karna hoga. Aap paypal par apna acount bana kar apne Mrchant account ke problem ko solved kar sakte hai.
Paypal ka upyog karke aap apne website ke customer ke sath deal kar sakte hai. aap apne website ke product aur service ko buy karne ke liye as payment ke option me paypal ka upyog kar sakte hai jisse aapke customer ko aapka product aur service buy karne me koi problem nahi hoga. Isliye aap apna online business ke liye paypal par acount banana bahut jaruri kaam hai.
3: Aapne Business Site Par Catchy Content Add Kare
Aapko apne product aur service ko promote karne ke liye catchy content likhna hoga. aapke site ka content bahut hi high quality aur unique content hona cahiye jo ki aapke product se related ho. Yadi aapko high quality aur uniqe content write karna nahi aata hai tab aap kisi content writer ko hire kar sakte hai woh aapke site par aapke product aur service se related content aapko likh kar dega.
Aapke site ka content ko padhne ke baad visitor aapke product ko buy karne par majbur ho jaaye. Aapke site ka content hi aapke business ko grow karne me bahut madad karta hai kyoki agar aapka content attractive hoga tabhi aapke product ki selling hoga. Agar aapka product aur service se related content attractive nahi hoga to aapke product aur service ka sell bhi nahi hoga. Isliye aapke site ka content badiya likhna hoga.
4: SEO Ka Upyog Kare
Aapko apne business website ko search engine par top rank ke liye website me SEO karna jaruri hota hai. Jab tak aap apne content me seo ka upyog nahi karege tab tak aapko search engine me top rank nahi milegi. Isliye aapko apne business website me acchi tarah se seo ka upyog karna hoga.
Aap SEO ki Puri Jankari HMH par pa sakte hai.
Part 3: Online Business Ko Promote kare Aur Paise Kamana Start kare
1: Social Media Join Kare
kisi bhi Online Business ko promote karne ke liye social media ek perfect place hai. Agar aap bhi apne Online Business ko promote karna cahte hai to aapko top social media sites par apne business ka page banana hoga Aur logo ko batana hoga ki aapne iss business ko start kiya hai.
Sabse pahle aap top social media sites par apne online business ka page Create kare uske baad aap apne business se related logo ko target kare aur unke ander apna ek trust Banaye. Jitna jyada logo ka aap par trust hoga utna hi fast tarike se aapka online business grow karega.
Social media ek bahut hi badiya platform hai jaha par aap apne business ko promote karke apne product ki selling ko badha sakte hai. Isliye aap bhi apne business ko promote karne ke liye social media ka upyog jarur kare..
2: Ek Affiliate Marketer Bane
Internet par bahut se businessman aur webmaster hai jo affiliate programs ko join karke apne online sells ko boost karte hai. Aap bhi affiliate programs ko join karke apne sale ko boost kar sakte hai. Agar baat kare affiliate programs ki to jyadatar affiliate programs free hai mtlab ki aap jyadatar affiliate programs ko free me join kar sakte hai.
jab aap kisi affiliate programs ko join karte hai uske baad aapko ek affiliate link milta hai jo ki aapka uss affiliate programs ka ek unique affiliate ID hota hai. Aapko uss affiliate link ke dwara uss program ke product ko apne website par promote karna hota hai aur jab koi aapke uss affiliate link se kuch buy karta hai tab aapko affiliate commission milega.
Affiliate marketing ek bahut hi badiya tarika hai apne business website ki madad se online paisa kamane ke liye. Aap affiliate marketing ke dwara per month bahut hi badiya paise kama sakte hai.
3: Website Par Google AdSense ke Ads Add Kare
Google adsense small, medium and large website ke liye ek revenue-sharing opportunity hai. Google adsense ek advertisements network hai jo logo ko ye offer karta hai ki woh apne blog or website par google adsense ka ads laga kar online paise kama sake.
Jab aap google adsense ke ads apne website par add karte hai uske baad jab koi aapke uss ads par click karta hai tab apko paise milte hai. Yadi aapke website par badiya traffic hai tab aap google adsense ki madad se bahut hi badiya paise kama sakte hai. Aap apne business website par affiliate marketing aur google adsense dono ka upyog ek sath karke paisa kama sakte hai.
Last Word
Aap kisi bhi country se apne online business ko run kar sakte hai. Agar aapko kisi bhi online business me success hona hai to aapke pass uss business ka ek perfect plan hona cahiye. Aapke pass ek working plan hona cahiye jo aapke online business par work kare. Agar hum sahi planing aur sahi rule ko follow karke online business start kare to humko usme success hone ka chance badh jata hai.
Yadi aap bhi online business start karna cahte hai to aaj se hi apne business par kaam karna start kar de kyoki jab tak aap life me action nahi lenge tab tak aapko kisi bhi kaam me success nahi milegi. isliye aaj se hi har ek chiz me action lena start kar de. ye jaruri nahi hai ki aapko har ek chiz me success mile lekin ye baat bhi sahi hai ki success hone ke liye aapko action lena hi hoga.
Mai ummed karta hu ki aapko ye long post psand aai hogi, iss post ko likhne me bahut jyada time aur menhat laga hai yadi aapko ye post psand aaya ho to aap isko Social Media par share karna naa bhule. Agar aap isko social media par share karte hai to hum smjhege ki hmara menhat safal ho gaya. Iske sath sath iss post ke bare me koi sawal yaa phir koi vichar ho to aap usko comment box me dena naa bhule..
Ye Bhi Padhe:
Put the internet to work for you.
| |
| Recommended for you |
No comments:
Post a Comment