BHIM App Kya hai or Kaise BHIM ko Use kare uski Puri Jankari in Hindi

Hello Friends, Naye Saal ki aapko dhero Subkamnaye… Aasa karta hu aapka ye saal abhi tak ka sabse acha saal jaye. Jesa ki abhi aap dekh rahe hoge, India me abhi sabse jada paise ki lee den par hi garmahat hai jabnse ₹500 or ₹2000 rupee ke note band huee hai.. or abhi Indian Government ne ek bhut hi badiya App banaya hai jiske ware me aapne kahi se sunn to liya hi hoga, jiska naam hai BHIM. Agar aap BHIM App use karte hai ya karna chate hai to aapko abhi me kuch jankare dene wala hu jo aapko pata honi chaiye or wo jankari sabke liye bhut jaruri bhi hai use karne se phele, to chaliye start karte hai. BHIM App se Sambandit Sabhi Sabalo ke Jabab 1: BHIM App Kya hai ? BHIM ka full form hota hai Bharat Interface for Money. Ye ek App hai jiski madad se badi aasani se paiso ka len den kiya ja sakta hai or ue UPI interface par kaam karta hai. Iss app me aap apni bank account ko connect kar sakte hai or fir aap kisi bhi account me paise transfer kar sakte hai Mobile Number ya Payment Address ki madad se or inki madad se paiment le bhi sakte hai. BHIM App ko National Payments Corporation of India (NPCI) Finance ne Banaya hai. Also Read: UPI kya hota hai uski jankari 2: Kitna Time Lagta hai BHIM App me Paise transfer karne me ? Isme paise bhut hi jaldi transfer kar sakte hai. Isme jo payment hai wo ek bank account se dusre bank account me jati hai or kuch hi second me payment complete ho jati hai. 3: BHIM App use karne ka koi Charge lagta hai kya ? Nahi, BHIM app bilkul hi free hai or isme koi charge nahi lagta.. par yaha ek baat or dhiyan me rakhne wali hai wo ye ki jo APP hai uska to koi charge nahi hai par ho sakta hai aapki jo bank hai wo UPI or IMPS ka charge le.. par abhi ye bilkul free hai or ummid hai bank bhi iska koi charge nahi legi. 4: BHIM App Use karne ke liye konsa Version hona chaiye ? BHIM App use karne ke liye aapko ek Smartphone ki jarurat hai, jisme Internet hona chaiye. Aapka Account jis bank me hai wo UPI Payments supported hona chaiye or aapka jo mobile Number hai wo aapke bank account me connect hona chaiye. 5: Kya BHIM App sabhi Mobile me chalta hai ? Abhi BHIM App sirf android ke liye hai or ye Android version 4.1.1 ya usse upar ke version me chal raha hai.. ho sakta hai aage or bhi jo mobile version hai unke liye bhi aa jaye. 6: Mobile Banking chalu karna jaruri hai kya BHIM App ko use karne ke liye ? Nahi, Aapko Mobile Banking chalu karne ki bilkul jarurat nahi hai, sirf ye jaruri hai ki aapka Mobile Number aapki bank account me connect ho. 7: Kya kisi Particular Bank me account hona jaruri hai kya BHIM App ko use karne ke liye ? BHIM App ko use karne ke liye or Direct Bank account paise transfer karne me liye aapko kisi ek Particular Bank me account hona jaruri nahi hai. Abhi lagbhag sari Bank UPI Support karti hai or agar koi bank bachi hai to wo bhi jald support karne lagegai. BHIM App Supported Bank ki List Allahabad Bank Andhra Bank Axis Bank Bank of Baroda Bank of Maharashtra Canara Bank Catholic Syrian Bank Central Bank of India DCB Bank Dena Bank Federal Bank HDFC Bank ICICI Bank IDBI Bank IDFC Bank Indian Bank Indian Overseas Bank IndusInd Bank Karnataka Bank Karur Vysya Bank Kotak Mahindra Bank Oriental Bank of Commerce Punjab National Bank RBL Bank South Indian Bank Standard Chartered Bank State Bank of India Syndicate Bank Union Bank of India United Bank of India Vijaya Bank 8: UPI-PIN kaise set kare Bank account me BHIM App ke andar ? UPI PIN set karne ke liye aap Main Meun me jaye, jaha aapka Bank account aapne add kiya hoga, uske baad UPI PIN for selected account select kare. AB aapko aapka jo ATM Card hai uske last ki 6 digit dalni hai or jo expire date hai wo dale.. fir aapke Mobile par ek OTP aayega wo daal kar aapko verify karna hai or uske sath aap UPI PIN bhi set kar sakte hai. Note: SBI ke jo Pure ATM Card hai unme expire date nahi hai to aap Expire Date me 01/49 dale. 9: Kya Ek se jada Bank account connect kar sakte hai ? Abhi BHIM App me ek time par sirf ek Bank account connect kar sakte hai, agar hame dusra bank account use karna hai to hame phele wala bank account remove karne dusri bank account connect karna padta hai.. par Feature me ham ek se jada bank account bhi ek sath connect kar payege. Abhi hamara jo ek Bank account BHIM me connect hai agar hame koi payment sent karta hai to ussi me jati hai. 10: Mobile Number jo BHIM App me use karna hai wo hi Number Bank account me register hona jaruri hai kya ? Haa, Aapka Jo Mobile Number Bank account me register hai wo hi Number aap BHIM app me use kar sakte hai. 11: BHIM App use karne ke liye kya kya jankari deni padegi ? App me sabse phele register karna hota hai, jo hamare Number se direct ho jata hai.. or hame hamare debit card ki last 6 digit dalni padti hai or uski expire date.. itni detail dalne par baki ki jankari automatic bank se aa jati hai or ye bhut secure tarike se hota hai to aapko kisi baat ki tension lene ki jarurat nahi hai ki aapka bank detail kahi leak naa ho jaye. 12: Kya BHIM APP Use karna Secure hai ? Haa bilkul, ye App bhut secure hai or aapko kisi bhi baat ki tension lene ki jarurat nahi hai, bass aapko yaha ek baat jo dhiyan me rakhni hai wo ye ki jo aap App ne PIN set kare wo kisi ko naa bataye.. Maanlo aapka mobile kahi kho gaya ya chori ho gaya to bhi koi problem nahi, koi bhi BHIM App ko use nahi kar payega jab tak usko PIN nahi pata hogi.. or koi Chor to uska use kar hi nahi sakta, q ki nahi to bank detail se pata chal jayega ki kis account me paise gaye hai 🙂 13: BHIM App ko use kaise kare Isko Use karna bhut hi aasan hai, SImple aap sabse phele to Play-store se App ko Download kar lijiye. BHIM APp Download Ab aapko App Open karna hai, fir app me Phone Book access karne ki permission magega wo hame allow karna hai. Next karne par hame hamari SIM select karna hai jo hamare bank account me register hai, uske baad hamara number verify ho jayega. Ab Menu me ja kar aapko Bank select karna hai jisme aapka account hai, or fir usko add karde. iske baad ATM ki last 6 digit or expire date daal kar UPI PIN set karna hai. Payment sent, Recive karna bhi aasan hai.. aapko samne option mil jayege.. or Aap QR Code ki madad se bhi kar sakte hai. Payment sent karne ke liye Mobile Number, ya ek Virtual Address bhi banta hai wo uski madad se transfer kar sakte hai. BHIM APP ki Kuch or jankari 14: EK Din me kitne paise Transfer kar sakte hai Ek Din me ₹20,000 transfer kar sakte hai or ek bar me ₹10,000 15: BHIM App kitni Bhasa me hai ? Abhi ye App sirf 2 bhasa me hai Hindi or English par jald hi or bhi bhasaye isme add ki jayegi. 16: BHIM App me kya kya kar sakte hai ? Iss App me ham hamare bank ka pura kaam kar sakte hai: Payment sent kar sakte hai.. Payment recive kar sakte hai jo direct Bank account me aata hai. Account me kitne paise hai wo check kar sakte hai. Kitne Paise aaye-gaye wo check kar sakte hai. QR Code ki madad se fast payment bhi kar sakte hai. Kisi ko Payment ke liye Request bhi send kar sakte hai. inke aalawa bhi bhut se features hai jo isme add hone wale hai, jese multipal bank account use karna.. To Friends, mere hisab se ye ek bhut hi badiya kadam hai hamari government ki taraf se.. or isse sabhi ko bhut faida bhi hoga.. Me aapse last me ye hi khena chahuga ki aap bhi BHIM use kare or aapko kisi baat se ghavrane ki bhi jarurat nahi hai ye bhut secure hai or Government se Aprove bhi. Agar aapka koi sabal ya sujab hai to aap comment karke jarur bataye, or agar aap isko use nahi karna chate to iska karan bhi jarur bataye or agar aap isko use kar rahe hai to aapko iski sabse khaas or achi baat kya lagi wo bhi bataye.. Aapse me ek baat or khena chahuga ki aap iss app ka use karna apne Family Members ko bhi sikhaye or Cashless ban jaye 🙂 Information Source: http://ift.tt/2i1jaU6 Ye Bhi Padhe: Let's block ads! (Why?) hindimhelp

• Twitter
• Facebook
• Google
• Tumblr
• Pinterest