| Agar site par organic traffic acha aa raha ho, or achanak kisi change ke karan traffic bhut kam ho jaye, ye koi nahi chata.. or aesa bhut logo ke sath hota hai. Jab bhi Search engine algorithm me koi update karte hai to traffic me badlab aata hi hai, agar traffic bad rahi hai to wo to achi baat hai par agar kam ho jaye to aapko kya karna hai wahi me is post me aapko batane wala hu. Abhi kuch time se Google me real-time algorithm updates chal rahi hai, jo kisi bhi site owner ke liye achi news nahi hai.. Isme Google alag alag test karta hai jiske karan achi site ki rank bhi achanak down ho jati hai. fir wapas tikh bhi ho jati hai par aapki traffic me aapko uthar chdav to dekhne ko to milega hi. Kaise pata kare agar traffic kam ho rahi hai to uska karan kya hai, uske me steps aapko bata raha hu, aap in sabhi steps ko follow kare or agar kahi kuch gadwad mile to usko turant tikh karne ki kosis kare, taki aapki site ki rank fir se sahi ho sake, or aapki post google me top par aa sake. 
Step 1: Site Status Check kareWebse phele aapko apni website me check karna hai kahi kisi code ki baja se koi error to nahi hai, ya kahi kuch aesi setting galti se ho gai ho jiske karan aapki rank down hui hai. Aapko On Page SEO ko bhi check karna hai, jis page par jada traffic loss hua hai uske aapne bad link to add nahi ki hai. HTTP Status Code check kareaapko apni website ka HTTP stutas check karna hai, isme aapko ye pata chal jayega ki aapki website agar koi open karna cha raha hai to open ho rahi hai ya nahi. Status code 200 aane ka matlab hai aapki site badiya se load ho rahi hai. Isko check karne ke liye aap HTTP Status Code Checker ka use kare. simple aapko isme apni website or page ka URL dalkar check karna hai. 
bots crawl kar pa rahe ke nahi site ko ?Search engine Bots site ko crawl karte hai uske baad hi site ko search me dikhagaya jata hai, aese me ye bhi ho sakta hai galti se robots.txt se aapne bots ko block kar diya ho or search engine aapki site ko crawl hi nahi kar pa rahe ho. Robot.txt me to koi gadwad nahi hai wo aap Google ke Free Robots Testing Tool me dekh sakte hai. Step 2: Check Google Algorithm UpdatesTraffic achanak loss hone ka ye bhi ek karan ho sakta hai google me koi bada algorithm update kiya ho, uski jankari ke liye online kuch popular blog hai waha dekh sakte hai. Sabse best tarika kisi bhi update ko pata katne ka twitter hai, q ki yaha aapko sabhi top seo mil jayege. Ab Twitter par kisi bhi Update ko dekhne ke liye aap simple search kar sakte hai, "google algorithm update" jese aap screenshot me dekh sakte hai. 
Step 3: Google Search Console Check kareGoogle Search console me aapne apni site ko to add kiya hi hoga, agar nahi kiya hai to abhi add kare wo bhut jaruri hai. Jab bhi koi update aata hai or uski baja se site par koi bhi dikkat hoti hai to waha hame error message mil jata hai, or ham unke bataye tarike ko follow karke usko sahi kar sakte hai. Aap Search console me check kare kahi koi error to nahi aa rahi hai aapki site ko crawl karne me, or ye bhi check kare aapki site ki kitni post index hai. 
Google Search Console important settings karna bhi jaruri hai, agar aapne abhi tak nahi ki to wo bhi jarur kare. Step 4: Google Analytics me Check karewebsite ki traffic kam hone ka karan aap google analytics se bhi laga sakte hai, aap site ka google analytics open karke uska traffic graph dekhe, isse aapko bhut si jankari mil jayegi. Jese example: google ka ek update aaya tha jisme mobile friendly site ko top par dikhate hai, to aese me agar aap google analytics me dekhte to aapki computer ki traffic to same rheti par agar aapki site mobile friendly nai hoti to aapki mobile ki traffic kam hoti. Iss trha ki bhut si chijo ko dekh kar bhi aap google analytics se pata laga sakte hai, akhir traffic kam hone ka karan kya hai. Agar aapne Google analytics add nahi kiya hai to abhi kare, Google Analytics kaise add kare site me uski jankari yaha di hui hai. Step 5: Check Site SpeedWebsite ki speed ek ranking factor hai google me, or agar aapki site ki speed slow hai to ye bhi ek main karan ho sakta hai aapki traffic ka achanak kam hone ka. Website ki speed kaise improve kare uski tips mene share ki hai, unko follow kare uske sath agar kuch bhi aesi chije ho jiske karan aapki site ki speed kam ho rahi hai to unko bhi tikh kare. website ki speed check karne ke liye Google's PageSpeed Insights ka use kar sakte hai, isme kaha kya gadwad hai wo bhi pata chal jati hai. Step 6: Check MobileGoogle ne ye saaf kar diya hai, ki Mobile ke liye phele Mobile friendly site hi dikhai jayegi or unko ko jada value di jayegi, to hamare liye ye bhut jaruri hai ki site mobile me achi trha se open ho. blog Mobile me achi trha se open ho uske liye aap ek badi Mobile Friendly Template use kare. website Mobile Friendly hai ya nahi wo aap Google ke Mobile-Friendly Test tool ki madad se pata kar sakte hai. 
Step 7: Backlink Check kareBacklink wo link hoti hai jo kisi dusri site par hamari kisi page ki link add ki gai ho. Badiya High Quality Backlink se search engine me site ki value or trust badta hai. Par iska ulta bhi hai, matlab agar backlink Low Quality site se mile, ya kisi spam site se to isse hamari site ko nuksan bhi ho sakta hai. Backlink kya hai or isse kya hota hai uski jankari aapko mere purane article me mil jayegi, iske baad bhi agar aapko koi doubt ho to aap comment karke puch sakte hai. ConclusionAb aap kuch had tak to samaj hi gaye hoge, aapki site ki traffic achanak kam hone ka kya karan hai. Aap in steps ko follow karke jo bhi problem hai unko solve kar sakte hai. Yaha aap ek baat dhiyan rakhe aap kuch bhi change karege site me uska aasar aapko turant dekhne ko nahi milega search engine me ki aapne aaj kuch update kiya or kal se aapki site par jada traffic aane lage… iske sath sath Google Rank ke Top 10 Ranking Factor bhi aapko pata hona chaiye jo 2017 me bhut important hai website ki badiya ranking ke liye. Hope aapko ye jankari kaam aayegi, or agar aapki traffic achanak down hui hai to usko sahi karne me bhi help milegi. Inke aalawa bhi agar koi karan ho sakta hai achanak traffic down hone ka to aap comment me jarur share kare. Let's block ads! (Why?) | 
No comments:
Post a Comment