Agar aap Adsense use karte hai to aap iss baat se jarur pareshan hoge ki Invalid Click (farji click) se kaise apne account ko bacha ya kya kare jisse hamara Google Adsense account suspended / Disable hone se bacha sake.
Invalid Click yani farji click jo adsense ke ads par ho wo hote hai.. or Google kisi bhi Invalid click ko aasani se samaj jata hai.. or agar limit se jada invalid click aaye to wo adsense account suspended ya hamesa ke liye Disable bhi ho sakta hai.
Google ka simple sa formula hai, jitne bhi ads par click ho.. agar wo koi aesa person karega jiska usme interest hoga to wo valid click mana jayega..
par agar kisi ad par galti se click ho to koi bhi ad ko open karne ke baad usko turant close kar deta hai or wo invalid click mana jata hai.
iske sath sath bhut sa data Google Track karta hai, sabhi user ka jisse or detail me unko pata chal jata hai ki konsa click valid hai or konsa nahi.
Matlab sabse pheli baat, agar aapko Adsense use karna hai to aapko to galti se bhi click nahi karna hai or naa kisi visitor ya apne friends ko khe kar click karana hai.. q ki agar koi aesa karege bhale wo ads ko thodi der open karke rakhe, fir bhi google samaj jayega ki iss person ka isme interest nahi tha fir bhi ye ads par q click kar raha hai..
To agar aap kuch bhi aesa karte hai jisse ads par click ho bina user ke interest ke to abhi band karde, nahi to aapka adsense account risk me aa sakta hai.
Safe CTR kitna hota hai Google Adsense me
Ham Invalid Click ki baat kar rahe hai to ye sabal bhi aapke mind me jarur aayega ki kitne percent % CTR safe hai ki wo Invalid click naa khelaye..
To iska Me aapko phele hi bata du koi fix answer nahi hai, jo Google ne diya ho..
Par agar sahi tarike se click aaye, or aapne ads ko sahi jagha sahi tarike se lagaye hai.. or aapki targeted visitor hai to 10% CTR bhi normal hai, agar user unke interest se click kar rahe hai.. mene apne kuch friends ko dekha unka 25% CTR tak bhi gaya, par unhone kuch bhi gadbad nahi ki thi to unka account utne CTR me bhi safe thaa..
Matlab wass fake Click naa aaye, CTR kitne bhi ho usse koi dikkat nahi hai.
Google Adsense Invalid Click se Kaise Bache
Agar aapko Apne Google Adsense acount ko invalid click se bachana hai to uski jimmedari aapko hi leni padegi, Agar aap jaan bhuj kar kuch aesa nahi karte jisse invalid click aaye, fir bhi maan lo aapke account me kahi se invalid click aa jaye to unki jimmedari bhi aapki hogi.
Google Apne Advertiser ka nuksan kabhi nahi hone deta, isliye agar aapko kabhi bhi aesa lage ki aapke account me invalid activity hui hai, or invalid clicks aaye hai to aap Turant Google ko iski information de, jisse phele ki wo aapke account ko ban kare.
Agar aapka CTR jitna daily normal rheta hai, usse jada achanak bade, to aap dekhe ki traffic same hai par click bhut jada aa rahe hai to aap Turant Google Adsense Invalid Clicks Contact Form Fill kare.
*Me aapko suggest karuga, agar aap Adsense use karte hai to ek war Adsense Term and Conditions or Policy jarur read kare sahi se.. Mene Hindi me Share ki hai aap yaha se bhi read kar sakte hai:
Google Adsense Invalid Clicks Contact Form Kaise Fill kare
Agar aapko lagta hai ki aapke account me kahi se kuch fake traffic ya fake click aaye hai jo normal se jada hai to aap iss form ko fill kare.
Step 1: Sabse phele Adsebse Invalid Clicks Contact Form ko open kare.
Apna Real Name dale, jo aapne Adsense account me diya hai.
EMail ID dale jispar aapka Adsense account hai.
AdSense Publisher ID: iska pata karne ke liye aap jo Ads Code hai usme dekh sakte hai.. Kuch iss trha ki hogi: pub-1245788956231245
Apni website ka URL dale, or agar aapko kisi ek page par invalid click hua hai to aap uska link bhi de sakte hai.. Agar aap Youtube par Invalid click ke liye report kar rahe hai to yaha apni Channel ka URL dale.
Topic select kare, Q ye form fill kar rahe hai.
Agar Invalid click ke liye fill kar rahe hai form to reporting unusual activity on my account select kare.
Agar aapka account hack hua hai, ya kuch aesa jo aapne nahi kiya.. uske liye report kar rahe hai to dusra open select kare.
Date or Time dale, jab aapke account me invalid click activity hui ho, isko tikh se pata karne ke liye aap thoda analytics me sahi se dekhe, fill yaha dale.
Aapko Invalid Activity hui hai, aesa q lagta hai uska detail me bataye.. jo bhi aapke dekha, ki kya huaa hai or q aapko lagta hai ki kuch galat hua hai.
Kuch bhi aesa data ho, jisse aapko pata laga, jese daily kitna rheta tha, traffic kaha se aai, ya kuch bhi aesa data jisse pata karne me aasani ho wo sab yaha yaha de.
Pura Form sahi se fill karne ke baad Submit ki button par click kare.
Form Fill karne ke baad aap thodi chan ki saas le sakte hai, q ki agar kuch galat hua hai or aapne nahi kiya, to Google Adsense Team ab usko dekh legi..
Yaha aap ek baad dhiyan rakhe, according to Adsense Team, form fill karne ke baad wo hamse sirf jab hi contact karti hai, jab hamne jo form fill kiya ho usse related koi update ho.. agar aesa kuch nahi hai to hame koi mail nahi aayega adsense se..
Lekin agar aap ye form fill karte hai, isse Adsense hamare account ko thoda seriously leti hai, ki inhone report bhi ki thi ki kuch gadwad hui hai uski.. to wo hamare account ko suspend nahi karte.
Agar hamare account par pheli war invalid Click Activity hoti hai to adsense account 30 din ke liye suspended hota hai, jisme ham naa to adsense ko use kar pate hai or naa usme earning hoti hai.. or ye hamare liye first n Last warning hoti hai ki agar ab double se aesa hua to Adsense account ko hamesa ke liye Disable/delete kar diya jayega.
Agar aapke Adsense Account par Invalid Click Activity ho chuki hai, or aapne der kardi Adsense team ko inform karne me, jiske karan aapka adsense account 30 din ke liye suspended nahi, hamesa ke liye disable ho chuka hai to aapko Invalid Activity Appeal form fill karna hoga.
Google Adsense Invalid Activity Appeal kaise kare
Agar account par invalid activity ke karan action liya ja chuka hai to aapko ye form fill karna hoga.
Step 2: ab aapke samen kuch option aayege, unse me aapko aapki kya condition hai wo select karna hai.
Aapke pass Adsense ki EMail or Publiser ID hai ya nahi.. Agar hai to Yes select kare.
Google Adsense account me login kar pa rahe hai ya nahi.
Google Adsense account ko Disable hue ek saal se jada hua hai kya.
Ye sab option select karne ke baad aapko niche ek Appeal Form ki link milegi, uspar click karna hai.
Step 3: Ab aapko jo form samne aaya hai wo Fill karna hai.. usko Fill karne se phele kuch bate hai jo aapko dhiyan rakhna hai.
Iss Form jo sirf jab fill karna hai jab aapka account disable hua ho, agar suspend hua hai kuch time ke liye to upar wala form fill kare.
Agar aapka Adsence account kabhi approve hi nahi hua hai to aapko ye form nahi bharna hai.
Agar aapka account Invalid Fake traffic ke karan disable hua hai to bhi aapko ye form nahi bharna hai, q ki iss case me aapka account enable nahi hoga.
Agar aapka Google Account disable hua hai adsense nahi, to bhi aapko ye form fill nahi karna hai, aese me aap Google Account Support Page ka use kare.
To agar aap upar ke points ko read kar chuke hai, or uske baad aapko lagta hai ki haa muej yahi form fill karna hai q ki aapka adsense account disable hai.. to niche ke steps dekhe.
Apna Real Name dale jo Adsense account me hai.
Apni EMail ID dale jispar adsense account bana hua hai.
Kis Website/App/Youtube channel par invalid activity hui hai, uska URL dale.
Adsense Account kis website/App/Youtube Channel se approve hua tha uska URL dale.
Aapne apni Website or Youtube channel ke liye kabhi traffic kharida tha ya nahi.. isme No select kare.
Aap apni website, App ya Youtube channel par traffic lane ke liye kya karte the.. Isme aapko likhna hai ki Aap SEO karte the or Social Sites se traffic aata tha jinhone aapke social page like kar rakhe hai.
Isse phele bhi kabhi aapke adsense account me voilation hua tha kya, agar haa to kya or usko aapne kaise tikh kiya wo bataye.
Aapke Website/App/Youtube channel par jo invalid activity hui hai, wo q hui uska karan bataye.. jo invalid activity hui hai uske ware me hi ho.
Aapne kya change kiya hai, jisse ab ads par koi invalid activity nahi hogi wo bataye..
Kuch bhi aesa data ho jisse invalid activity ka pata chal sake wo yaha bataye.. jese Traffic Graph, Traffic source or IP addresses.
Sabhi Box ko sahi se fill karne ke baad Tick kare.
Last me submit par click kare.
Note: Aapko ye Form English me Fill karna hai, agar aapko English nahi aati hai to aap kisi person se fill karaye jinko achi se english aati ho, nahi to agar aapne isme kuch galti ki to aapki application reject kardi jayegi.
Ab aapke Mail par ek Mail bhi aa jayega ki aapne invalid activity appeal submit ki hai.. iske baad aapka adsense account review kiya jayega.. isme 48-72 ghante tak lag sakte hai ya isse jada bhi.. or review ke baad agar aapne jo karan bataye uske baad laga ki account activate kiya jaye jab hi activate hoga..
—
To ab aap samaj chuke hai, or jaan chuke hai ki kaise Google Adsense Account par Invalic activity hoti hai or kaise usse bacha jaye or agar account suspend ho ya dsable ho to kaha se appeal kare or kaise Form ko Fill karn hai.
Agar aapko meri batai jankari me kahi bhi kuch doubt hai to aap comment karke jarur puche or jankari kesi lagi wo bhi jarur bataye. or apne Adsense Account ko Safe rakhe
Bonus Tips:
Agar Traffic 500 Visitor se kam hai daily to ads naa lagaye, Q ki itne kam visitor me jo click hai wo same IP se hi aate hai, jisko Google Invalid manta hai.. to Adsense account suspend hone ka jada risk rheta hai. or Earning bhi naa ke wara-war hi hoti hai.
Agar aapko lagta hai koi jaan bhuj kar aapke ads par click karte hai, Invalid activity ke liye.. to aap Adsense Click Fraud Plugin ka use kar sakte hai.. par mere hisab se agar ham kisi ka bura nahi chate to koi hamara bura bhi q chahega.. kisi ke pass itna time nahi hota..
Khud kabhi click naa kare apne Ads par naa kisi se khe kar click karaye.
Kabhi bhi kuch bhi thoda Invalid activity jesa dikhe to turant Google Adsense Team ko uski report kare Form fill karke.
No comments:
Post a Comment