SWOT Analysis | Blog Topic Select karne ka Best Tarika in Hindi

Koi bhi kaam ho, agar unpar bina research kare, kaam kare to usme success ke chance bhut kam ho jate hai.. To agar kuch bhi start karna hai to sabse phele uspar research kare, usko analyse kare ki aapke liye kya sahi rahega.

Agar aap Blog Banane ka soch rahe hai, to ye nahi kisi bhi dusre ka blog dekha or khud ka blog start kar diya, uske liye phele aapko dekhna padega, ki aapke liye kya sabse best rahega jisme aap success ho pao or acha result mile.

Blog Aap kisi bhi topic par bana bana sakte hai, mene 100+ Blog Topics share kiye hai aap wo list bhi jarur check kare, to aapko idea ho jayega kitne topic par blog bana sakte hai.

Agar aap Blog bana rahe hai to aapko ye pata hona bhi bhut jaruri hai, ki aapka Interest kis chij me hai.. Apna Interest pata karne ki Technic mene yaha share ki hai.

Abhi me aapko ek World ki ek sabse best Technic ke ware me batane wala hu, jiska use badi badi companies, or jo successful log hai wo karte hai. uss Technic ka naam hai SWOT Analysis..

SWOT Analysis Kya hai ?

SWOT ka matlab hai: Strengths (Khubi), Weaknesses (Kamjori), Opportunities (Avsar) and Threats (dikkate)

Sabse phele aapko apni jo Strength hai wo phechanni hogi, jisme aap achi ho, uske baad aapko apni Weaknesses dekhni hai.. ki aapne kya kamiya hai.

Ab aapko apne Strength or Weaknesses ke base par dekhna hoga ki aap aesa kya hai jo abhi tak kisi ne nahi kiya jo aap kar sakte ho, jiske karan aap success ho sako, or last me aapko apni success ke bich me kya kya paresani aayegi usko analyse kare.

SWOT Analysis se Blog Topic Find kare

Chaliye dekhte hai iss Technic ka use kaise kare Blogging me, or ek badiya topic select kare jisme sabse jada faida ho.

Aapko ek 🗒Copy or 🖊Pen lena hai sabse phele, fir uspar 4 column banaye: Strengths, Weaknesses, Opportunities or Threats ke naam se.. ab sabhi column me aapko likhna hai.. kya wo aap niche points me read kare.

SWOT analysis business diagram

Strength: ye sabse phela step hai SWOT analysis ka jisme aapki kya strength (khubiya) hai wo pata karni hai.. Agar aapko samaj nahi aa raha hai aapki kya strength hai to apne aap se ye kuch sabal kare: "Kya karu jisse mera Blog sabse alag ho", "Me kya kar sakta hu jisse log meri badai kare", "Kya muje achi trha se aata hai".

Aapne apne aapki khubiyo ki list banani hai, jo bhi aap achi se kar sakte hai..

Jese kuch example:

Kisi topic me expert ho
Web designing aati hai
Mind me ideas aate rhete hai

Ye wass example hai, matlab aapko ye dekhna hai ki aapko kya achi se aata hai jo dusro ko nahi aata.. kya talent aapme hai.. wo aapko phechanna hai..

Jitne bhi jada se jada point aap likh sake wo likhe, Strength ke column me.

Sabse Important baat yaad rakhe, har kisi me kuch naa kuch talent hota hi hai, wass der hai to usko phechanne ki. 🙂

Weaknesses: Ye second step hai, isme aapki kya kamjoriya hai, wo dekhni hai.. jese aapne kuch kiya to usme aapko kya paresani aai, ya kya galtiya hui.. wo sab aap blog me share kar sakte hai. yaha aapko ye bhi dekhna hai ki kya aesa hai jo aapko nahi aata par aana chaiye, to usko kaise sikhege wo bhi.

jese example:

Technical knowledge jada nahi hai
Blogging ka jada knowledge nahi hai to HMH se sikh lege.
achi se likhna nahi aata, to practice karege

khene ka matlab, jo kami aapme hai, ya jo problem aapko aai wo aap dusro ke liye solve kar sakte hai.. ya jo bhi kamiya hai jisse work me problem aayegi wo puri karna hai.

Aapko Weaknesses ke Column me jitni bhi aapki kamjori, paresaniya wo sab likhna hai..

Opportunities: Ab aapko apne aas pass dekhna hai, aapko dekhna hai aesa kya hai jo Aap apni strength or kamjori ke base par kar sakte hai jo aaj tak kisi ne nahi kiya. aesa jo bhi possible idea ho aap usko likh lijiye.

jese example:

Aap Travel Blog bana sakte ho, jo abhi tak kisi ne nahi banaya hindi me
Kuch aesa content daal sakte ho, jo abhi tak kisi ne share nahi kiya jo aapne mind me hai.
Kya kar sakte ho jisse logo ki najar me jaldi aa jao.

Issi trha aapko thodi research karni padegi aapko ki agar jo idea hai usme success hona hai to kya kya karna padega, ya kya kar sakte ho.

Threats: Ab last me aapko jo bhai ki dikkate hai wo analyse karni hai. Jese jo bhi aap karege to usme kya kya paresaniya aa sakti hai.. or unse kaise nipatna hai, ya logo ko kya paresaniya aati hai jo aap solve kar sakte hai.

Jese example:

Website ka data delete ho jaye
website hack hojaye
google ne achanak rank down

Aapko aesi sabhi chijo ko dekhna hai jo ho sakti hai, or ye bhi ki aap inse kaise bach sakte hai..

Conclusion:

Agar aap iss process ko pura karege to aapko aapke hisab se jo sabse best topic hoga jispar aap badiya blog bana kar success ho sakte ho wo mil jayega.

Jese Agar baat kare HindiMeHelp ki to me aapko batata hu, ye mene kaise analyse kiya tha jisse aapko andaja lag jayega ki HMH ki success ka kya karan hai.

Hindi Me Help SWOT Analysis Data:

Strength: Muje Blogging me interest tha, or 2 saal bina paise ke, sirf sok se blogging karne se muje iska acha khasa knowlage ho gaya.. jisme me dusre ke mukable jada janta tha.
Weaknesses: Meri kamjori ye thi ki muje naye logo se baat karne me paresani hoti thi, matlab aap khe sakte ho ki me ek sarmila ladka tha.. par dhire dhire me naye naye logo ne mila to meri ye kamjori bhi khatam ho gai.. or Blogging me to ye moka milta hi hai ki naye naye logo se mil sake.
Opportunities: Hindi Me Help ko Hinglish me start karne ka karan, Q ki isse phele koi bhi Hinglish blog nahi tha.. or Me Hinglish me jitna bhi muje aata tha wo achi se samja sakta tha.
Threats: Bhut se aese log hai jo Internet ka use to karna chate hai, or bhut kuch Internet par karna bhi chate hai. par English jada achi se naa aane ke karan wo kuch kar nahi pate.. to Hinglish me Blog start karke mene ye problem bhi solve ki.

At Last:

To ab aap SWOT Analysis Technic kya hai or wo kitni powerful hai samaj gaye hoge.. to ab me aapko suggest karuga ki aap bhi apne blog ka SWOT analyse jarur kare.. taki aapko pata chal sake ki aap jo kar rahe hai wo sahi hai ke nahi..

Or agar aap start karne ka soch rahe hai, par samaj nahi aa raha kis topic par start kare to aap SWOT Analysis ka use karke pata kar sakte ho, kya aapke liye sabse best rahega.

*Aapko ye jankari kesi lagi, ya isse sabmandit koi sabal ho to aap comment karke jarur puche..

Happy Blogging…!

Let's block ads! (Why?)