Hindimehelp me ka sbse phla aur main aim yahi hai ki logo ki help krna. Aur sath sath unko internet se judi sabhi jankariyon se Update krte rhna.
Aaj Hindimehelp website ke through bahut se logo ne Blog bnana sikh liya hai. Aur unme se bahut se log success bhi ho chuke aur kuch log success ki taraf badh rhe hain.
Lekin mujhe ye btate huye bahut dukh ho rha hai ki abhi bahut se Hindi Bloggers badi badi galtiyan Kar rahe hain, Jiske wajah se unko success milne me deri ho rhi hai.
Is article me kuch mistakes ko btaunga jisko dur karke ek Hindi Blogger bhi bahut hi kam samay me successful ho sakta hai. Hindi Me Help ki Success Story aap yaha pad sakte hai
Ye Bhi Jarur Pade:
Hindi Bloggers ki Galtiya jo unhe nahi karni chaiye
1.English Articles Ko Hindi Me Translation:
Dekhiye agar aapne Blogging sirf Paise ke liye start kiya hai toh Shayad Blogging aapke liye nahi hai. Aapne iss statement ko bahut se Blogs par padha hoga. Aur yah kafi had tk sahi bhi hai.
Blogging ka matlab apne experience aur knowledge ko share krna hota hai na ki kisi dusre ke article ko apne blog par Copy krna. Aur kuch log isi wajah se Blogging ko aasan samaj lete hai.
For example: New Hindi Blogger Internet se English wale article ko Hindi me Translate karke apne Blog par publish kar rahe hain. Aur wo khud uss article ko practical tarike se karke try nahi krte hain. Unko sirf mtlb hota hai ki kisi bhi tarike se unke Blog par article ki quantity badh jaye.
Abhi toh yah Translation sahi hain Lekin future me Google ka koi update aaya toh iss tarah ke Blog sbse phle Band ho jayenge.
Aap log nirash mt hoiye. Iska sbse achha upay hai ki aap jo kuch bhi internet se ya offline sikhiye usko apne experience ke base par hi share kijiye. Direct translation Google ko bhi aata hai. Aur Google ko bewkoof koi nahi bna skta .
Aap kisi bhi task ko kar ke dekhiye fir jo result aaye usko apne according likh ke publish kijiye.☺
Khane ka matlab hai jis topic par aap post likh rahe hai uske ware me aapko pura pata hona chaiye.
Ye Padhe: Dusare Website Se Copy karne ke Faide or Nuksan
2. Ek se Jyada Domain Kharidna:
Mai ekdum Guarantee ke sath kh skta hun ki 99% New Hindi Blogger 1 se adhik domain kharid lete hai aur kaam kisi par thik se nahi karte hain.
Wo bss ye sochte hain ki ek se itna paisa aayega toh 2-4 Blog bana lene se toh aur jyada aayega.
Dosto ! Agar aap bhi aisa soch rhe hain toh iss baat ko apne dimag se nikal dijiye toh hi acha rhega.
Aur abhi bhi time hai ki aap apne Interest ko pehchan kar ek hi domain par kaam kijiye.
Mai aapko bharosa dila sakta hun ki aap 4-5 blog se 10x jyada paisa kamayenge.👍
3. Apne Audience Ko Nahi Pehchan Pana:
Kya kabhi aapne ye janne ki koshish kiye hai ki aapke Blog par kis tarah ke log visit krte hain. Unko aapke blog se kya kya chaiye or wo q aapke blog ko open karte hai?
In sb chizo ko janne ke liye aapko sbse phle apne Blog ko Google Analytics se jodna pdega. Aur daily aap Google analytics me apne traffic ka analysis kijiye.
Aap Google Analytics se inn chizo ka jarur analysis kijiye:-
Agar aap in chizo ka analysis karte hain toh aapko pta chalega ki aapke Blog par visitors kaise aate hain. Aur agar koi visitor new keyword search karke aata hai. Lekin usse related post aapke Blog par nahi hai toh aap uss post ko apne Blog par likh sakte hain.
Iss tarah se aapko new post likhne ke idea bhi mil jayenge.
Toh sbse important baat ki aap apne Audience ko pehchaniye aur fir unke liye articles likhiye. Fir dekhiye aapke Blogging me kaise changes aata hai.☺
4. Consistent Nahi Rhna:
Blogging hi nahi kisi bhi business me sbse important factor hai wo hai Consistency. Isko dusre shabdo me kahe toh kisi bhi kaam ke liye lagatar bne rhna. Aur Blogging me agar aapko aage badhna hai toh continuously Article post krte rhna chahiye.
Maine bahut baar bola hai aapko ek schedule bna lena chahiye ki 1 week me kitne post daalne hai.
Fir usi ke according aape visitors bhi aapke blog ko visit karenge. Aur agar aap regular post nhi krenge toh aapke visitors dubara aapka blog visit nahi krenge.
Waise ye hai toh bahut hi basic lekin bahut se Blogger iss chiz ko follow nahi kar pate hain.
Jo blogging ke success me rukawat bn jata hai.
Jaru Pade: Regularly Blog ko Update karne se Kya Kya fhyada hote Hai
5. Post ke Link Spamming karna :
Kabhi aapne socha hai ki koi Blog itna famous kaise hai. Ya koi person agar popular hai toh kyu popular hai?
Iska simple sa answer hai ki uss Blog aur Person me ek aisi unique baat hai jo kahi aur nahi.
Bss isi funde ko aap bhi apne Blog me implement kijiye. Fir dekhiye aapka blog bhi kitna popular ho jayega. Aapne kabhi kuch alag karne ka try nahi kiya toh wo kisi ko pasand nahi aayega. Chahe aap apne post ke link ko kahi bhi paste kyu na kar de.
Whatsapp group ho chahe fb group, maximum bloggers apne post ke link ko har jagah paste kar dete hain.
Jo ek tarah se spamming hi hoti hai. Isse logo ko paresani hoti hai.
Koshish yahi kare ki aap apne blog par hatke content daale ki aapke post ko spam karne ki jarurat na pde. Bss thoda sa promotion ki jarurat pdegi. Aur blog ko promote krne ka valid tarika maine iss blog par btaya hai.
Spamming aur Promotion me bahut Difference hota hai. Isliye aap link ko copy paste karne ke bajay aap unique content aur promotion pr dhyan dijiye.
6. Dusre Blog par Comment Thik se Nahi Karna :
70% log comment isliye karte hain unko apna website par Backlink pane ka mauka milta hai.
Aur yah ek valid way bhi hota hai Backlink pane ka. Lekin maximum log sirf Backlink ke chakkar me Nice Post , Thanks for Sharing etc. Likhte hain.
Badiya Comment Kaise Kiya jaye uski Tips jarur pade, ek acha comment karne ke liye.
Comment me aap koi bhi link mat chodiye. Isse aapka comment bhi approve nahi hoga.
Kahne ka matlab hai ki agar aap ye galti karte hain toh mat kijiye. Aapka hi fayda hoga. ☺
7. Keywords Ka Over Use:
Kuch new Bloggers ko thoda bahut keywords, SEO ke baare me pta ho gya hai toh wo apne post me keywords ka itna overuse karne lge hain ki unka post Baad me penalized ho skta hai.
SEO ke baare me thodi bahut jankari bahut hi khatarnak sabit ho skta hai. Aapko SEO ke baare me thik se padhna chahiye.
Keywords over use ka example dekiye:-
Hi Friends ! Aaj mai Computer ke baare me btaunga. Computer ek electronic device hai. Computer me CPU main hota hai. Computer aaj ka sbse important device bn chuka hai. Computer ke bahut type hote hain.
Aap upar paragraph me dekh skte hain ki ek hi keyword bahut bar use hua hai. Aur kitna aajib lag rha hai.
Agar hum is paragraph me 1 ya 2 baar hi computer keyword use krenge aur baki ke jagah pr Pronouns use kare jaise "iske", "yah"etc toh bhi yah SEO wala post mana jayega.
Ye Jarur Pade:
Dosto maine iss article me thode kadwe shabdo ka prayog kiya hai. Iske liye mafi chahta hun. Lekin fir bhi ye aapke fayde ke liye hi publish kar rha hun.
Agar aapko yah post kesa laga comment me jarur btaye. ☺
Ye Bhi Padhe:
Put the internet to work for you.
| |
| Recommended for you |
No comments:
Post a Comment