YouTube Se Paise Kaise Kamaye? Top Tarike 😲

YouTube Se Paise Kaise

Hello Everyone! Main ShoutMeHindi se Harsh Agrawal hu, aur aaj aapke saath is article me share karme jaa rahan hu YouTube se paise kmaane ke liye kuch badhiya tareeke. Aap me se bahut se log ek YouTube channel bnake us par videos upload karke, paise kmaane kii iccha rakhte honge. Lekin aam dekha gya hai ki bahut se YouTubers kuch videos upload karne ke baad hii haar maan jaate hain aur keval 10% log aise hote hain joki YouTube se kuch na kuch paise kmaane me kaamyaab hote hain.

Sabse pehle is article me main yh maan ke chlta hun ki aap ek serious YouTuber hain aur apne YouTube channel par regulary videos upload karte hain kyonki is article me main aapke saath jitne bhi ways share karne jaa rahan hun vh keval regular aur serious YouTubers ke liye hii work karenge.

YouTube Se Paise Kmaane ke Best Ways

To bina vakt gavaye, ye rahe YouTube se paise kmaane ke teen sabse badhiya tareeke:

Google AdSense

Google AdSense kisi bhi YouTube channel ko monetize karke usse paise kmaane ka the most easiest or simplest way hai. Iske liye aapko bs ek approved, AdSense account chahiye hoga aur uske saath hii us Google AdSense ke saath aapko apna YouTube channel link karna hoga. Yadi aap nahi jaante ki apne YouTube channel ko Google AdSense ke saath kaise connect karen, to hamara neeche diya giya video zaroor dekhiye jisme is saare process ko bahut hii badhiya tareeke se explain kiya gya hai.

[embedded content]

Ab iska matlab ye nahin hai ki aap yh process karke aasani se paise kmaane lg jayenge. Iske baad to asli kaam shuru hota hai. Aapko paise keval tabhi milenge jab aapke video ke viewers ads ko dekhenge aur unpar click karenge.

Ab saari videos par to aapke ads display honge nahin aur saare viewers to aapki ads par click karenge bhi nahin. Iske ilava aur bahut saare factors hote hain jaise ki RPM, CPM vgera joki is mamle me matter karte hain. Aap apni traf se ek kaam kar sakte hain aur vo hai ki apni videos par jitne maximum views ho sake derive kijiye. Aur ant me aisa karne ke liye aapko apne videos ko bahut badhiya bnana hoga aur viewers ke liye useful bnana hoga.

Also Read: 1000 Views par kitni income hoti hai?

Sponsorship Videos Bnana

Aapne pichle kuch salon me ek cheez notice kii hogi ki YouTube par bahut saari webseries banni shuru ho gyi hain. Udhaaran ke liye bahut saare Hindi Drama shows aajkal YouTube par videos aur web series ke roop me publish kiye jaate hain aur jinhe dekhne ke liye log hafton ka intzaar bhi karte hain. Lekin aapne ek aur cheez iske saath notice ki hogi ki jitna kharcha ve un series ko bnane me lgaaate hain vo keval Google AdSense aur YouTube se kii kmaayi se sambhav nahin ho sakta.

To unke paas un series ko bnane ke liye itna paisa aata kahan se hain? Iska jwab hai, Sponsorship. Unhe apne videos ko banane ke liye bahut se log aur companies sponsor karti hain.

Isi prakar yadi aap bhi chahte hain ki aap Sponsorship se paise kmaaye to aapko bhi ek aisa YouTube channel bnan hoga jiske hazaron lakhon subscribers hon aur jiska audience base bhi kaafi strong ho. Kyonki ye method Google AdSene wale method kii trah nahin hai jisme aap AdSense account ko link karke saath ke saath paise kmaana shuru kar sakte hain. Iske liye aapko apne Channel ko kuch aisa bnana hoga ki Sponsores khud aapke paas aayen.

Sponsores aapko kisi bhi trah apni videos me unke promotion ke liye keh skte hain. Jaise ki video ke shuru hone se pehle Sponsores ka ad dena ya video ke beech unki taareef karna ityadi. Kayi sponsores to itne badhiya hote hain ki aapko bs unke logo me video me kuch chand seconds ke liye dikhana hota hai aur aapki video ke saare kharche ke ilava aapko poore mahine ka bhi profit mil jata hai.

Affiliate Marketing

To jo last method, is post me main aapko btane jaa raha hun vo hai, Affiliate Marketing. Yadi aap affiliate marketing ke baare me nahin jaante, to main pehle aapko recommend karunga ki aap hamare neeche diye gaye posts ko padhiye aur Affiliate Marketing ke baare me vistaar se janiye aur is badhiya tareeke se samjhiye. Uske badd hii aap is tareeke se paise kmaane ke baare me soch skte hain. Hamari Affiliate Marketing kii eBook prapt kijiye.

Ab aap YouTube par Affiliate Marketing kaise kar sakte hain. Aap maan lijiye kisi aisi cheez ke baare me apni YouTube video bna rahen hain jiska koi affiliate program ho. To aap uske affiliate program ko join karke description me ya fir video ke upar annotations ko use karke apne Affiliate links ko add kar sakte hain aur jab bhi aapka koi viewer un links par click karke kuch na kuch khareedga to aapko uska commission milega. Is tareeke se aap YouTube ko apni Affiliate marketing kii starategy ke liye use kar sakte hain.

YouTube se paise kmaane ka sabse badhiya tareeka aur sabse zuyada profitable tareeka kaun sa hai?

Ab aap sab ke man me question ye hoga ki inme se sabse badhiya tareek kaun sa hai. Yadi aapka ek YouTube channel hai aur usme videos par acche views ho rahen hain, to all time hit tareeka jisse aap paise kmaa sakte hain vo hai, Google AdSense. Lekin Google AdSense sabse profitable way to bilkul bhi nahin. Adhik profitable ways hai, Sponsorships aur affiliate marketing par ye all time ways nahin hain. Sponsorships aur affiliate marketing aapke liye tabhi kaam karengi jab aapke paas niche based videos tarffic hai ya fir aapki audience kaafi zyada hai.

To ye tha mera aaj ka post jisme maine btaya ki aap YouTube se paise kaise kmaa sakte hain. Mujhe aasha hai ki aapko mera yh post bahut accha lga ho to yadi lga ho, hamare blog, ShoutMeHindi.com ko zaroor visit kijiye. Is post ke sambandhit aapke man me yadi koi bhi question hai to aap mere se comments ke zariye zaroor puchiye.

Ye Ek Guest post hai HMH.pe, agar aap bhi Guest post karna chate hai to yaha click karke uski jankari pa sakte hai.

Other Guest Post Read karne ke liye yaha click kare.

Youtube ki or jankari ke liye aap ye post bhi jarur read kare:

Let's block ads! (Why?)