Hello Friends, kya aapke sath kabhi aisa hua hai ki aapko apni post publish karne ke baad usmen koi kami lagti hai, ya fir aap apni post likhne ke baad sochte hai ki ismen koi galti to nahi reh gayi? To doston aapko apni is problem ka solution is post ke jariye mil jayega kyonki is post me main aapko btaunga ki aapko apni blog post ki publish button dabane se pehle kin kin baaton ka dhyan rakhna chahiye.
Agar aap apne blog par behtar posts publish karna chahte hai to apni har ek post ko publish karne se pehle niche di gayi sabhi Points ko apni post-publish checklist me shamil kar le. To fir aaiye doston shuru karte hai:
Jab bhi ham hamare Blog ko Post likhte hai to uska ek format hota hai ki hame sabse phele kya karna hai fir uske baad kya or kis flow me chalna hai. Agar aap ek Step by step chalege to aapki har post bhut badiya hogi or usme koi kami nahi hogi.
Puri kosis kare ki post ko Publish karne ke baad edit karne ki jarurat naa padhe, or puri trha se post teyar hone ke baad hi publish kare.. Par agar kahi koi edit karne ki jarurat padti hai baad to kar sakte hai usme bhi koi burai nahi hai..
Post likhne ki starting hoti hai Keyword se, jispar aapko post likhni hai. Sabse phele to aap jis Topic par post likhne ja rahe hai agar aapko uski achi jankari nahi hai to sabse phele aap uski puri jankari le. Fir Post ko likhna start kare.
Phele Short me dekh lete hai kaise kya karna hai Post Publish karne ke liye
- Sabse Phele to Topic select kare jispar post likhna hai.
- Us Topic ke ware me puri jankari lele..
- Post ko likh kar Draft me Save karde.
- SEO kare: Title, Tags, Post, Image, Permalink sabka
- Proof Reading kare
- Fir Publish kare
jesa mene bataya agar aap is process se chalege to aapki har post lajabab hogi.
Post Publish karne se phele ek war On-Page SEO bhi jarur check kar le
Chaliye ab sab Points ko Detail me samaj lete hai jinhe hame check karna hai har ek post ko publish karne ke phele.
1: Post ka Title Acha Dale Post me
Post publish karne se pehle ye conform kare ki kya aapki post ka title aapki post ke content ko darshata hai. Aapki post ka title aakarshak hona chahiye, kyonki agar aapki post ka title hi boring hoga to is baat ke bahut jyada chances hai ki aapki post ko koi open hi nahi karega.
Is baat ka bhi dhyan rakhen ki aap apni post ke title ko itna badha chada kar bhi na likhen ki readers ko post me apni asha ke anusar content na milen, isse readers gussa ho sakte hai joki aapke blog ke liye kisi bhi parkar se faydemand nahi hoga.
Ek behtar post title kaise likhen, uske ware me detail me jaanne ke liye ye post jarur padhe:
2: Grammatical or Spelling Mistakes check kare
Post publish karne se pehle apni post me grammatical or spelling mistakes ko sudhare. Kai bloggers kya karte hai ki apni post ki spelling mistakes par dhyan nahi dete lekin jab readers post ko padhte aur un mistakes ko dekhte hai to ek galat impression banta hai.
Aap chahe to apne kisi dost ya family member ko apni post ko proofread karne ke liye keh sakte hai taki vo aapko un mistakes ke baare me bta saken. Ya Fir aap Post ko ek war likh kar Draft me Save karde fir 3-4 Hours baad fresh mind se post ko ek reader ke jese pura padhe.. fir jaha bhi koi galti hogi aapko samaj aa jayegi.
3: Post ko Asaani se Padhne Layak Bnaye
Apni post ko short paragraphs me likhne ki koshish kare, isse readers ko post padhne me asaani hoti hai, aur apni post me Headings, Sub Heading ka use bhi jarur kare, isse aapki post badiya lagti hai aur isse readers bhi acche se post ka samajh paate hai.
Post me aap jo jankari dena chate hai usko clear tarike se de.. Text me highlight, Blod, Italic ka bhi use kare.
Badiya Post kaise likhe uski tips ke liye ye post bhi padhe:
4: Interlinking kare Post me
Apni post me interlinking karna n bhulen. Interlinking matlab Post me apne blog ki dusri posts ka link add karna. Interlinking karna SEO ke liye bhi kaafi faydemand hota hai.
Is baat ka dhyan rakhen ki Interlinking ka use readers ki suvidha anusaar kare yani ki us jgah par post ko link de jhan par jarurat hai. Interlinking Bounce Rate kam karne me bhi madad karti hai.
5: Category aur Tags ka use kare
Apni post ke liye suitable Category aur Tags ka use kare. Aisa karne se aapke readers ko aapka blog asaani se navigate karne me madad milegi aur sath hi search engine ko bhi isse aapki post ke topic ka pata karne me madad milegi.
Kai bloggers ye bhi galti karte hai ek hi post me bahut saari categories and tags ka use karte hai, koshish kare ki ek post ke sath 2-3 se jyada categories and 4-6 tags se jyada use n kare.
6: Image Alt Tags or Name use kare
Sabse pehle to ye dhyan rakhen ki apni post me kam se kam 1 image jarur add kare aur usmen Alt Tags bhi jarur use karen.
Alt Tags Search Engine ko btata hai ki image kis baare me hai, Search Engine images ko apne aap read nahi kar sakta. Isliye apni post images me alt tags jarur use karen.
Aapki image post ke content ke anusaar honi chahiye. Post me bahut saari images add karne se bhi bachen, Post ke liye Free Stock image ka use kare jo aap yaha se download kar sakte hai.
Image alt tag ki better understanding ke liye ye post padhe – SEO friendly image kaise bnaye
7: Focus Keywords ko Dhiyan ke Anusar Post Likhe
Post likhte samay aapki post ka ek focus keyword jarur hona chahiye. Aapki post search engine me acchi ranking hasil kar sakti hai agar aap Foucs Keyword ko sahi jgah par place kare.
Apni post ke focus keyword ko Post ke title, Permalink, Meta Discription aur post ke first paragraph me specially add karen.
or jankari ke liye ye post padhe:
8: Call-to-Action use kare Post me
Apni post ke last me CTA yani Call-to-action ka use karna n bhulen. Call-to-action ka matlab hai ki aap apne readers se us post ko padhne ke baad kya karana chahte hai. Matlab ki agar aapne motivation post likhi hai to aap chahenge ki aapke readers post padhne ke baad positive action len.
Agar aapne kisi product ki review post likhi hai to aap chahenge ki post padhne ke baad aapke readers us product ko purchase kare. Ya fir aap Call-to-action ka use readers ko post par comment karne, aapke blog ko subscribe karne, Social media par follow karne ke liye kar sakte hai.
Call to Action ka example:
Aapko ye post kaisi lagi, hamen comment ke jariye jarur btaye.
Kya aapko ye post pasand aayi? Aisi hi aur bhi post paane ke liye hmara free email subscription le. Etc.
Call-to-Action bhut jarur part hota hai hamari post ka, agar aapko ispar detail me jankari chaiye to aap comment me bataye.
9: Copy Content Naa use kare
Upar jitne bhi Point bataye wo post me hona jaruri hai par ye jo point hai Copy Contant wo post me bilkul naa ho uska bhi dhiyan rakhe.
Aap Jab Post likhe to dyan rakhe ki wo aap kahi se copy naa kare, jo image ho wo bhi copyrighted naa ho.
Padhe: Dusare Website Se Copy karne ke Faide or Nuksan
Post me kabhi bhi Hacking, Cracking ya fir aesi jankari naa de jisse kisi ka bhi nuksan ho sakta ho.. Isse ho sakta hai kuch visitor aa jaye aapki site par, Par aap adsense se earning nahi kar payege
Conclusion:
To doston ye thi wo points jinhen aapko apni post publish karne se pehle jarur check karna hai. Agar aap in tips ko follow karenge to aapki post na kewal aapke readers ko pasand aayegi balki search engine me bhi uska faida milega.
Post Publish karne se phele kya kare wo to aapne jaan liya ab Post Publish karne ke baad kya kare jaanne ke liye yaha click kare
Doston muje ummid hai aapke blogging me ye Tips bhut kaam aane wali hai or agar aapko ye post pasand aayi ho to ise apne doston ke sath share kar sakte hai me uske aapse paise nahi luga aur comment me muje btaye ki aapko ye post kaisi lagi. 🙂
Ye Bhi Padhe:
This entry passed through the Full-Text RSS service - if this is your content and you're reading it on someone else's site, please read the FAQ at http://ift.tt/jcXqJW.
Recommended article from FiveFilters.org: Most Labour MPs in the UK Are Revolting.
Put the internet to work for you.
| |
| Recommended for you |
No comments:
Post a Comment