Online Net Banking Security ke liye Tips in Hindi [100% Secure]

Online Net Banking Security ke liye Tips in Hindi

Jahan ek taraf online banking paiso ka lenden karne ke liye ek behad suvidhajanak sadhan hai, vahin dusri taraf iske sath kyi suraksha sambandhi chintaye aur jokhim bhi jude hain.

Online Banking dhokadhadi ko rokne ke liye main aapko kuch bhaut upyogi online suraksha yuktiyan pesh karna chahti hun:

8 Online Net Banking ke liye Security Tips

#1: Apne Credentials Share na kare

Aapke online banking passwords, ATM machine ka PIN number, credit ya debit card number aur aise credentials agar kissi ke sath share kiye jaye to appko bhaari jokhim me daal skte hain. Isliye aisi information kabhi kisi ke sath share na kare. Agar aapko aisa lagta hai ki koi apke credentials jaanta hai to jaldi se jaldi inko badal de.

#2: Password Rules ka Palan Kare

Jab bhi koi password banaye to neeche diye gye rules ko dhyan me rakhein:

Apna password 6 se 12 aksharon ke beech ka rakhein
Aisa password na bnaye jo aap kisi aur jagah ya pehle bhi use kar chuke hain
Uppercase aur lowercase aksharon ka prayog kare
Kabhi bhi apni personal jaankaari jaise ke naam, ghar ka pta, telephone number, etc. password me shaamil na kare

#3: Security Antivirus ka upyog kare

Jab aapka computer ya mobile phone internet se connected hota hai to ye online khatron ka shikaar ban skta hai. Isliye aapke mobile aur PC par total security antivirus software intsall karna bhaut zaroori hai kyunki isme anti-spam aur anti-phishing jaisi techniques aapke device aur data ko surakshit rakhte hai.

Agar kisi aesi website par jaye jaha aapko kuch gadbad lage to aap online antivirus ka use karke check kar sakte hai.

#4: Security Patch hamesha install kare

Windows aur Mac operating system samay-samay par security updates release karte hain jisse aapke system ko naye online khatron se bachne me help milti hai. Aap in updates ko manually or automatically bhi install kar skte hain.

Abhi jo WanaCry Ransomware Virus aaya tha uska bhi Windows ne patch nikala tha, usse bachne ke liye..

#5: Security Practices

Jab bhi aap computer par online banking ka upyog karne vale ho, to in points ko zaroor dimaag me rakhe:

Safar karte samay kewal trusted PC ya mobile ka upyog kare
Kabhi bhi apne computer ya mobile ko kisi anjaan jagah par na rakhe
Use karne ke baad hamesha online banking account se log out kare
Online banking ke liye browser hamesha updated version ka use kare

Also Read: Slow Computer ki Speed Badane ke #9 Bhetrin Tips

#6: Cache Clear kare

Agar aap kisi public computer ka upyog kar chuke hain to hamesha browser cache clear kar le. Aisa karna isliye zaroori hai taaki aapke login credentials browser me save na ho jaye.

Hacker se kaise bacha jaye aapko ye pata hona chaiye, q ki ek hacker Cache ki madad se bhi account ko hack kar sakta hai.

#7: Email Fraud se Bache

Kayi online hackers khud ko bank ke naam jaisa btakar fraud email bhejte hain, jisme aapko inaam diye jaane ke baare me likha hota hai. Inaam paane ke liye bahut se users apni personal jaankari, jaise bank account details, hackers ko de dete hain aur hamle ka shikaar ban jate hai. Isliye kisi bhi email ka reply karne se pehle use achi tarah jaanch le.

Also Read: Temporary Email ID Kaise Banaye

#8: Mobile/Email notifications ke liye opt kare

Bahut se online banking services kuch tarah ki transactions hone par aapke registered mobile number ya email par notification bhejte hai. Is tarah aap apne bank account me hone vali transactions par up-to-date reh sakte hain aur agar koi transaction apki anumati ke bina hui ho to turant bank ko bta skte hai.

Kya aap online banking security par humse discussion karna chahenge? Apne sujhav comments me likhe!

Author Bio –

Kanika SharmaREVE Antivirus ke liye likhti hain. Pichle 4 saal se content developer ke roop me Kanika bahut se technology blogs ke liye likh chuki hain. Free time me Kanika ko pahado pe jana pasand hai.

Ye ek Guest Post hai, HMH.pe Guest post karna hai to uski jankari yaha hai.

Let's block ads! (Why?)